黃翠如曬「余家三姊妹」溫馨合照 《黑色月光》姊妹情延續劇外感幸福

台慶劇《黑色月光》劇情刺激緊湊，楊卓娜、楊茜堯呢對現實中嘅親姊妹更喺劇中演姊妹，仲有加埋黃翠如呢個細妹組成三姊妹。三人角色命運崎嶇，不過對彼此非常在乎，而呢份姊妹情更延續到劇外。

楊卓娜、楊茜堯呢對現實中嘅親姊妹喺《黑色月光》演姊妹，仲有加埋黃翠如呢個細妹組成三姊妹。呢份姊妹情更延續到劇外！
翠如日前就喺社交平台分享多張同茜堯、卓娜嘅合照，又撰文表示：「拍一套劇，多了兩個姐姐。幸福的感覺。」三人擺出抱抱Pose、卓娜又嘟起嘴扮錫翠如，隔住個mon都感受到佢哋呢份友誼相當濃厚親密，亦有粉絲留言表示「超喜歡這段！溫馨的日常」、「幸福三姊妹」、「你地都好sweet，超nice」、「希望三姐妹可以有機會再合作」。 

翠如日前就喺社交平台分享多張同茜堯、卓娜嘅合照，大曬幸福三姊妹情。

翠如嘅人緣向來好，早前就有陳自瑤、連詩雅呢兩位好姊妹為佢慶祝生日，三位仲大玩廚樂自製意粉。而呢篇就分享同茜堯、卓娜呢個Post亦吸引好友龔嘉欣及喺早前同翠如一齊喺巴黎擔任奧運「特派專員」嘅莊琬晴留言。

翠如嘅人緣向來好，早前就有陳自瑤、連詩雅呢兩位好姊妹為佢慶祝生日。

龔嘉欣指翠如係一個人人愛嘅小天使，令翠如冧到大讚嘉欣呢段話好So sweeet。
龔嘉欣指翠如係一個人人愛嘅小天使，令翠如冧到大讚嘉欣呢段話好So sweeet ，至於莊琬晴就話「做一次奧運，我都多咗個姐姐」嚟形容自己對翠如嘅感覺，翠如亦發揮「姐姐」身份問Edith有冇肥返啲，互動真係好貼心！

莊琬晴就話「做一次奧運，我都多咗個姐姐」嚟形容自己對翠如嘅感覺。

翠如亦發揮「姐姐」身份問Edith有冇肥返啲，互動真係好貼心！