巾幗梟雄之懸崖｜黎耀祥胡定欣揭林茂財不死藏玄機 羅天宇內疚誤傷蕭正楠

由黎耀祥、胡定欣主演嘅台慶劇《巾幗梟雄之懸崖》收視報捷，呢日兩位聯同羅天宇、陳曉華（Hera）、蕭正楠(Edwin)、陳楨怡（Celina）等演員出席宣傳活動時，就齊齊宣布劇集首播七天跨平台總收視24.8點，成為翡翠台黃金時段節目收視冠軍，上周收視更有23.1點，成為上周節目收視榜亞軍，僅次《東張西望》。

《巾幗梟雄之懸崖》演員出席宣傳活動。
一眾演員好感激觀眾對劇集嘅支持，而祥仔、定欣更預告劇情進入中段，由Edwin飾演嘅林茂財不死之謎更成為劇集最大伏線。Edwin話好多朋友問佢點解「死唔去」，但大家估錯方向，所以佢拋出線索叫大家留意劇集海報所藏嘅玄機，而祥仔、定欣就叫大家一定要記住Edwin所講嘅對白，因為內含好多意思，解釋點解會有三個Edwin。 

Edwin飾演嘅林茂財不死之謎更成為劇集最大伏線，Edwin話好多朋友問佢點解「死唔去」。

Hera、Celina、天宇三位嘅表現亦大受觀眾好評，特別係天宇擺脫「細佬」形象，成熟不少。而天宇喺劇中同Edwin有唔少動作場面，拍其中一場打鬥戲時，天宇更不慎誤傷Edwin，令Edwin硬食一拳，呢件事令天宇一直耿耿於懷。

Hera、Celina、天宇三位嘅表現亦大受觀眾好評，特別係天宇擺脫「細佬」形象。