呂方太太捲入財務糾紛後 首度偕夫出席好友飯局

呂方 太太 伍惠寶 舊年年尾被捲入財務糾紛之後，就一直絕跡社交平台，直至劉培基噚日(10號)喺社交平台分享，相約咗 杜德偉 夫婦、 王玉環 夫婦同 呂方 夫婦食飯，先令伍惠寶近照曝光，相中呂太笑容燦爛，仲繞實老公呂方合照。

呂方夫婦去年底被指牽涉財務糾紛後就甚少現身

呢日佢哋同王玉環夫婦、劉培基等為杜德偉太太Icy慶祝生日
呢次聚會，佢哋仲為杜德偉太太Icy慶祝生日，又準備大量靚酒佳餚慢慢邊享用邊傾偈。一班相識幾十年嘅朋友聚舊，劉培基格外開心，佢寫上「這些年，有一起成長幾十年的好朋友，也有看著他們幾十年，一起長大的小朋友，誠在相處，貴在相知，共同分享。真誠」
杜德偉同太太Icy一向恩愛

而王玉環早年曾出演多部經典恐佈片，一講起佢就同殭屍片、鬼怪畫上等號，當年更有「鬼后」之稱，佢同呂方當年亦曾合作演出過《靈幻先生》，後來王玉環轉戰保險業亦有唔錯成績，更連續十多年蟬聯百萬圓桌成員，後來仲成為保險公司首位香港女性高級區域總監。

王玉環近年轉戰保險，有非常唔錯嘅成績

不過佢最為人記得就一定係無數恐怖電影嘅演出喇

當年呂方亦曾同佢合演《靈幻先生》