胡杏兒45歲生日老公送驚喜曬愛 公開10張照片記錄幸福家庭進化

胡杏兒自從2015年嫁圈外老公Philip後，夫妻育大仔李奕霆（Brendan）、二仔李奕霖（Ryan）同細仔李奕宏（Liam）三名兒子，非常可愛。杏兒雖然家庭工作兩兼顧，時間把握得好好，獲封Super Mom，一家五口經常曬幸福。

11月6號杏兒踏入45歲生日，老公Philip當然要畀啲驚喜太太啦！
11月6號杏兒踏入45歲生日，老公Philip當然要畀啲驚喜太太啦！見佢一連Po出10張照片，記錄過往同杏兒共度過嘅咁多個生日。

杏兒老公連Po出10張照片，記錄過往共度過嘅咁多個生日。
從相片中可見佢哋由初相識二人世界，步入結婚生第一胎，及後二仔出世，再到三兄弟嘅時光，輯錄咗這些年杏兒組織幸福家庭嘅進化，家庭成員遞增，每年有老公同囝囝共度生日，令杏兒流露幸福滿瀉笑容。除咗有老公同囝囝之外，仲有胡說八道嘅好友胡定欣、胡蓓蔚、黃智雯、姚子羚、李施嬅一齊喺屋企慶祝，更攬住三個寶貝充滿愛。

胡說八道嘅好友一齊喺屋企慶祝，更攬住三個寶貝充滿愛。
而其中一張相信係兩人相識不久嘅相片，夫妻面孔稚氣，散發出濃厚甜蜜感覺。雖然現時杏兒同老公已為三子之父母，不過杏兒睇落依然保養得宜，即使要四圍奔波工作，又要照顧家庭，仍狀態大勇，日前杏兒仲喺上海現身活動挑戰行時裝騷展現魅力，話咁快就趕返香港過生日。

杏兒同老公已為三子之父母，不過杏兒睇落依然保養得宜。