53歲江美儀自揭玩交友Apps搵精壯男「炮友」 課金入會盼結識高質對象

江美儀與吳君如胞弟吳君祥拍拖11年，於2018年被爆已分手兩年，其後對吳爸爸夏春秋爆出二人早於2006喺西雅圖註冊結婚，二人由分手變離婚，53歲江美儀失婚8年，近日同吳家樂主持網台節目談圈中熱話，講起Babyface港男墮相睇騙局，又對《東張》女神梁敏巧展開30日求愛計劃，美儀姐同吳家樂就討論婚姻介紹所係咪幫到人之餘，美儀姐自爆有玩交友App搵壯男。

美儀姐自爆有玩交友App搵壯男。
美儀姐一直保持單身，見之前有從事專業人士嘅朋友透過交友App成功搵到另一半，拍拖年幾仲準備求婚，令美儀姐想試吓交友App，朋友仲分享「秘訣」稱第一次見面千祈唔好食晚飯，只係飲杯咖啡，有咩事就快啲閃人，美儀姐挑選咗幾個有信譽嘅交友App，甚至課金入會，希望認識到高質素嘅男士。

美儀姐想試吓交友App，朋友仲分享「秘訣」稱第一次見面千祈唔好食晚飯。
美儀姐話有放自己相上去，不過對方以為係假，曾試過被人舉報， 目前只放側面相片同使用其他名字；美儀姐喺網上都係同人閒聊，暫時未約人出嚟見面，有擔心俾人知道真正身份，佢多數揀外國人，甚至內地嘅男士。

江美儀與吳君如胞弟吳君祥拍拖11年，於2018年被爆已分手兩年，其後對吳爸爸夏春秋爆出二人早於2006喺西雅圖註冊結婚。
當有網民提醒佢小心啲人搵「炮友」，美儀姐笑稱自己都係搵35至40歲嘅精壯男「炮友」，吳家樂接住問啲後生仔係咪想驅風，美儀姐自認多風：「佢幫我驅走一切，佢將我陰霾驅走，迎接我嘅新生命，迎接新嘅前途。」

美儀姐笑稱自己都係搵35至40歲嘅精壯男「炮友」，吳家樂接住問啲後生仔係咪想驅風。