莊錠欣26歲生日獲周子瑜舒華吻賀 三位女神玩錫錫兼載歌載舞

前韓團CLC香港成員莊錠欣日前趁著26歲生日，喺台灣舉行個人演唱會，好姐妹Twice台灣成員周子瑜特登飛返台灣撐場，二人嘅好交情不言而喻。Elkie生日活動一浪接一浪，演唱會後嘅生日派對上唔只繼續見到子瑜，連(G)I-DLE嘅台灣成員舒華都有現身，而家姐易羚亦專程到當地陪細妹莊錠欣。

前韓團CLC香港成員莊錠欣26歲生日，有好友周子瑜同舒華陪伴。

家姐易羚亦專程到當地陪細妹莊錠欣。
壽星女Elkie當日頭戴Happy Birthday字樣嘅閃石頭箍，捧住一大紮花，子瑜同舒華就打扮casual，Elkie形容自己係「哭包壽星」，但流嘅都係幸福嘅眼淚，仲話好開心可以同子瑜以及舒華團聚。另外一張相子瑜同舒華就向壽星女獻上香吻。Elkie仲post咗一條喺卡拉ok載歌載舞嘅短片，三位女神合唱天后蔡依林嘅《日不落》，舒華小露香肩，子瑜大騷長腿，畫面非常賞心悅目。

三位女神合唱天后蔡依林嘅《日不落》。
眾所周知韓國演藝界競爭激烈，尤其idol淘汰舊換新速度驚人，所以idol們承受嘅心理壓力絕對非一般，三位係小小年紀就離鄉別井到韓國做練習生，互相扶持鼓勵因而建立深厚交情，如今各自闖出一片天，呢份友情更顯難能可貴。

莊錠欣日前喺台灣舉行個人演唱會，好姐妹Twice台灣成員周子瑜特登飛返台灣撐場。