陳柏宇驚喜現身送新碟及零食 大讚milet下苦功唱廣東話

陳柏宇（Jason）前晚 (7日) 喺日本人氣歌姬milet嘅亞洲巡迴演出香港站驚喜登場，擔任演唱會嘉賓，驚喜獻唱特別版新歌，為全場觀眾帶起高潮。

Jason及milet繼今年7月喺日本為中、英文版歌曲錄音及拍攝MV，相隔4個月後再度合作，首度現場獻唱；Jason甫上台就話：「多謝你嘅邀請，我好興奮，因為今次係我哋第一次 live 演出，仲要係唱兩首歌嘅 mash up，知道你為咗唱廣東話落咗好多苦功！」milet指廣東話啲發音真係好難，錄完之後其實唔係太滿意自己嘅發音，Jason則讚 milet做得非常好。

二人見面亦隨即交換禮物，Jason送上鮮花、亦準備最新專輯。
佢哋呢次同台合唱嘅版本特意保留〈Cheat Day〉嘅幾句歌詞，如「巴打 絲打 仲去死 chur 咪啦」、「要一次攞晒啲大假 快啲去天腳底度假」等， 二人見面亦隨即交換禮物，Jason送上鮮花、亦準備最新專輯，當中收錄咗佢同milet嘅兩首合唱歌。Jason喺日本首次與milet碰面時送上對方最喜愛嘅香港零食，更將其縫製成一個斜孭袋作禮物。今次當然都唔例外，Jason特意準備咗更大包裝嘅軟糖，令milet笑逐顏開。