徐若瑄甲狀腺癌康復後首露面 保持樂觀心態接受人生中不如意

徐若瑄日前驚爆年初確診甲狀腺癌，消息傳出之後大家都好擔心佢嘅身體狀況，呢日佢喺台灣出席活動，亦係佢承認罹癌之後首度公開露面，Vivian就大派定心丸話自己接受手術後已經痊癒，要大家不必擔心。Vivian話成個治療過程家人都陪伴在側，亦因為有家人支持，所以先可以樂觀面對。
徐若瑄驚爆患甲狀腺癌後首度公開露面。

Vivian今次因為早期發現早期治療，所以可以順利康復，所以佢都不忘呼籲大家，一定要定期做健康檢查，因為自己一直有運動習慣，又好注重養生，身體亦冇任何不適，好彩透過健康檢查發現患癌，先可以提早處理。
徐若瑄指已接受手術治療。
Vivian即管手術順利，但依然少不免有後遺症，因為肌肉纖維化，所以唱歌同發聲都要重新練習，幸好佢係一個樂觀嘅人，復健之路先可以堅強面對，「只要接受人生不可能事事都如意，保持樂觀，我覺得人生還是有很多很美好的事情。」
徐若瑄指手術後要重新學發音與唱歌。