陶喆再踏小巨蛋舞台連唱兩場 即場宣佈年內再發新專輯

已經闊別台北小巨蛋10年嘅 陶喆 ，上周末重返當地一開就兩場，而早前正式舉辦婚禮嘅 蕭敬騰 同太太 李宗盛 陳嘉樺 侯佩岑 張清芳 A-Lin 鼓鼓 同未婚妻 仲有主角嘅媽咪同太太亦都現身捧場。

陶喆相隔10年時間再次於台北小巨蛋開騷
陶太太 Penny接受訪問時，被問到老公平時會唔會一日唱到黑時，就爆老公平時甚少開口，不過就不時為騷琴技，自己仲非常沉迷佢彈琴嘅時候。今次演出陶喆唔止冇邀請嘉賓，亦都冇Dancers伴舞，全程為歌迷投入獻唱，台下歌迷亦一直跟住大合唱。
呢日冇嘉賓，亦冇Dancer，陶喆由頭唱到尾

到第二場演出時，陶喆仲即場宣佈新專輯今年內就會推出，令現場尖叫聲四起，仲幽默話要趕新碟，所以取消慶功宴直接返屋企開工喎。

呢日佢仲話新專輯好快就會推出喇