鄭俊弘41歲生日宣布阿仔赴美獲治療方法 攜妻何雁詩出席晚宴多了解天使綜合症

鄭俊弘（Fred）同何雁詩（Stephanie）今年6月首次公開分享阿仔Asher被診斷患罕見遺傳病「天使綜合症」，近日一家遠赴美國，希望陪阿仔接受治療，順便喺當地慶祝生日，而噚日Fred喺社交平台公布好消息稱阿仔開始接受治療。

鄭俊弘同何雁詩近日一家遠赴美國，希望陪阿仔接受治療，噚日出席當地一個關於天使綜合症嘅講座及晚宴。

噚日Fred喺社交平台公布好消息稱阿仔開始接受治療。
Fred早前向公司請假陪老婆同阿仔一齊前往美國，參加一個為期一個月嘅特殊物理治療課程，每日親子一齊上堂4個幾鐘，鄭俊弘喺IG分享好消息，稱好高興宣布治癒好快就會開始，今年唯一生日願望就係祝老婆同阿仔健康快樂，鄭媽媽朱詠珊亦留言祝Fred生日快樂，希望Fred願望早日實現，媽媽永遠支持佢。

Fred早前向公司請假陪老婆同阿仔一齊前往美國，參加一個為期一個月嘅特殊物理治療課程。

鄭俊弘同何雁詩舉辦《天使綜合症慈善演唱會》為患有「天使綜合症」嘅小朋友籌款，一共籌得約117萬港元。
何雁詩今日喺IG貼出同老公Fred出席當地一個關於天使綜合症嘅講座及晚宴，同時了解「天使綜合症」新療法。佢哋喺7月舉辦《天使綜合症慈善演唱會》為患有「天使綜合症」嘅小朋友籌款，一共籌得15萬美元（約117萬港元），何雁詩感謝香港社區同個人捐助者嘅支持。

何雁詩希望為亞洲嘅天使綜合症社區提供更多支持。
何雁詩又指會上有好多科學家同研究人員畢生致力於為呢個病尋找醫治方法，希望小朋友有更好生活。何雁詩希望為亞洲嘅天使綜合症社區提供更多支持❤️，明年希望再次感謝一個充滿愛嘅夜晚。

何雁詩與鄭俊弘首次公開分享他們的兒子鄭讚廷，被診斷患上罕見遺傳病「天使綜合症」。