直播靈接觸丨「吹蕭萍」夏志珍分享爸爸回魂經歷 羅泳嫻助軍官亡魂解開心結

梁思浩主持嘅《直播靈接觸》邀請闊別幕前多年嘅夏志珍做嘉賓，當年拍《新精武門》演「吹蕭萍」萍姐一角深入民心，夏志珍今次應邀喺加拿大返港作客，喺節目分享爸爸回魂夜嘅親身經歷。

息影多年嘅「吹蕭萍」夏志珍現身《直播靈接觸》
夏志珍指阿爸回魂當晚，有感覺爸爸喺床邊，但係佢擘唔大眼，想轉身都唔得，佢同阿爸講阿哥買咗六合彩寫咗6個號碼，叫阿爸一係摸吓嗰張六合彩、一係畀六個號碼，等佢同阿哥中獎，夏志珍記得當時阿爸係話一日咁多人去世，個個都畀號碼就個個都中獎啦！夏志珍就話有買嘢畀阿爸，之後佢同家人起身就見到蛋撻跌咗落地下，糖紙搣開咗，又係擺咗喺地下噃！
佢仲分享當年父親回魂嘅小故事

夏志珍當年飾演「吹蕭萍」令人印象深刻，佢自認懶冇諗過復出，不過佢試過因楊冪一幕演技，令佢勾起戲癮；而羅泳嫻喺節目中不時用塔羅牌為嘉賓同觀眾解謎，原來羅泳嫻亦有親身遇過靈異經歷，更為亡魂解開多年心結。