19歲任晴佳獲邀參加名媛舞會 貌美高䠷盡收父母優良基因

任達華 同名模太太 琦琦 2004年誕下囡囡 任晴佳 ，Ella轉眼已經19歲，近年除咗喺美國名牌大學二年級之外，亦同時步父母後慶，以1.78米身高同42吋逆天長腿加入Model行列，亦不時出席唔同品牌活動。 

任達華同琦琦嘅愛女任晴佳高䠷身形似足父母
最近有傳華哥喺全球擁有數十個物業，早喺Ella兩歲嘅時候已獲Daddy送贈其中部份，亦算係低調名媛，而近日社交界年度盛事：巴黎名媛舞會(Le Bal des Débutantes)月底就會於巴黎舉行。Ella今年亦獲邀出席，早前佢就飛到巴黎預先為舞會試裝，一身修長身形著上Giambattista Valli高級訂製服，媽媽琦琦亦一直陪伴身旁，仲笑言：「我完全冇畀意見，一切由個女自己決定，佢鍾意啲鮮色禮服，因為無論係佢自己還是睇到嘅人，都會覺得特別開心，Ella希望個個人都生活得開心。」
月底將出席名媛舞會嘅Ella，早前飛抵當地試著高訂晚裝

琦琦話Ella選擇鮮豔顏色，希望帶俾人快樂嘅感覺被父母視為掌上明珠嘅Ella，完全遺傳晒父母優良基因，甜美臉蛋與逆天身材已係得天獨厚。原來6年前Ella已被邀請出席名媛舞會，不過當時因年紀尚輕，到今年終被主辦單位誠意打動出席。
Ella近來亦追隨父母腳步，踏入模特兒界

琦琦話：「係呀，當時可能大家見佢咁高，以為佢已經好大個，但其實當時只得14、5歲，要專心讀書考大學，所以未有參加。今年我哋同Ella都覺得可以見識吓、開吓眼界，可以學到好多嘢，世界各地嘅人都有被選出席，可以學到唔到地方嘅文化，同時都學到禮儀，小朋友應該係咁樣，要向住學習嘅態度去嘗試每一件事。」

華哥望住Ella嘅眼神真係冧到暈