有片丨周興哲慘被當路人幫民眾合照 墨爾本開騷獲周杰倫請食飯

藝人出街俾人問可唔可以合照好平常，相信有唔少fans嘅台灣唱作歌手 周興哲 應該都好習慣，不過日前有單「合照」事件就令Eric哭笑不得。

周興哲 為路人充當攝影師。周興哲 為路人充當攝影師。
Eric同為藝人嘅哥哥Alex周天予喺IG出post分享咗單搞笑「合照」事件，事關有日Eric同Alex一齊食晚餐，行出餐廳之後突然有位阿叔叫停Eric，仲稱呼佢「帥哥」，當下Alex直覺認為阿叔想同Eric合照，但估唔到下一秒阿叔竟然同Eric講：「帥哥，幫我們大家拍個照吧！」Eric當然冇托手踭，好nice咁幫一班阿叔阿姐影大合照，不過一旁嘅Alex就忍唔住爆笑，唔單止用電話影低呢個搞笑畫面，仲寸細佬話：「叔叔怎麼知道Eric很會拍照，真會挑人。」
Eric啱啱先去完澳洲開騷。
雖然喺餐廳食飯慘被當成路人，不過企上演唱會舞台Eric就絕對係魅力十足嘅音樂才子，Eric啱啱先去完澳洲開騷，8號墨爾本，10號悉尼兩場演出吸引大批當地嘅小興星前來捧場，咁啱本身係半個澳洲女婿嘅周杰倫都身處墨爾本，於是周董就盡地主之誼請Eric食飯，而Eric亦都好事做，喺騷上獻唱周董嘅《退後》以表感激。

Eric啱啱先去完澳洲開騷。由於剛好周杰倫都身處墨爾本，於是佢就盡地主之誼請Eric食飯。