Apple姐斬情絲寄情工作發展新事業 心死緣盡麥德羅未打算覓另一半

曾創立卡啦OK集團嘅 劉麗萍 早前同拍拖多年嘅 麥德羅分手，將焦點重新投放喺事業嘅Apple姐，最近投資7位數推出健康產品，呢日記者會就有一大班圈中朋友現身支持喇。Apple姐話新生意只係籌備咗幾個月時間，希望將覺得有益嘅嘢推介俾大家咁話。

劉麗萍年初同相戀多年嘅麥德羅正式分開
至於提到同麥德羅分手嘅原因，佢就指年初因對方犯錯而最終決定斬纜，亦發現生活得更加開心，而充實嘅日常而冇時間再搵另一半喇。
最近佢開返全新健康產品生意

呢日力撐好友嘅 魏秋樺 身形Fit爆，佢就指平時清淡飲食同保持運動係自己嘅健康秘訣，而心境愉快仲非常重要，仲話不時都會到內地登台順便一嘗當地美食呀。

魏秋樺呢日支持老友，又透露將往內地登台