青龍獎上屆得主齊集打手印 李秉憲為JYP宣傳引發尷尬

上屆韓國青龍電影獎嘅一眾得獎者呢日再次集合，齊齊打手印為下月舉行嘅新一屆典禮宣傳，呢日李秉憲 鄭裕美 趙寅成 全余贇 高旻示 亦都有參與，又齊齊跟傳統試飲贊助商嘅紅醋，當中老戲骨李秉憲果然犀利，大啖飲完酸爆嘅飲品都面不改色。

上屆青龍電影獎嘅得獎者再聚宣傳
最近應JYP邀請欣賞對方新MV同評價演技嘅李秉憲，其中一幕內容中嘅偷情戲，被指引起李秉憲面色一沉，令人聯想佢多年前嘅外遇傳聞，不過呢日佢就指非常樂意為老友新歌造勢喇。
李秉憲出手幫老友JYP，不過就被認為場面尷尬

而上屆影后鄭裕美一直備受好評，呢日提到佢已經出道多年，佢就話多年來一直向唔同拍檔吸收各式各樣演技同演繹方式，仲特別多謝前輩 金惠秀 嘅鼓勵，如果唔係估計自己已經唔會再演出咁話。

今年已經係鄭友美入行20周年