姜大衞去年演長者勇奪大獎 再參演微電影扮乙肝患者

早前參演台慶劇《企業強人》嘅 姜大衛 ，今年係佢同太太 李琳琳 金婚，入行70多年嘅John哥，去年仲憑建基於真實事件嘅《白日之下》道盡長者心聲，令佢獲得金像獎最佳男配角殊榮。最近John哥再演出弱勢角色，獲醫療機構邀請拍攝微電影，扮演一名乙型肝炎患者，被迫喺「入老人院」同「拖累兒子」中作出選擇。

John哥近日演出一部微電影，扮演一名乙肝患者
John哥指演出前，特別向製作團隊了解乙型肝炎導致腎功能下降嘅「肝累腎」的情況，佢話：「其實作為患者都好無奈，患上乙肝已經無奈，但原來病情同傳統藥物會令腎臟都受影響，等於令佢哋陷入兩難之中。」
仲因為病情而面對人生交叉點

劇中角色最後獲處方新型藥物，腎臟得保，John哥演出後都鬆一口氣話：「好在都有個大團圓結局，唔使喺肝同腎，仲有自己同阿仔之間作出艱難選擇。」

入行70多年嘅John哥演出可謂駕輕就熟