曾志偉關愛基層自閉兒童 陳展鵬夫婦同心合力行善

由曾志偉、何麗全等一班友好創辦嘅福幼基金會，日前舉辦「Love with Smurfs 慈善藝術日」。為慶祝一年一度嘅「比利時日」，以風靡全球嘅比利時經典漫畫《藍精靈》，透過活動宣揚關愛弱勢社群。

曾志偉同比利時副總領事等嘉賓一齊主持揭幕儀式
活動當日基金會主席曾志偉同一眾嘉賓一齊主持揭幕儀式，曾志偉話：「結合各位善長贊助同支持，今次限量500隻《藍精靈》慈善義賣，預期可以透過福幼旗下「福幼兒童復康中心」服務800人次兒童，為基層自閉童提供義診服務，提供最適切嘅治療，改善佢哋嘅社交障礙、語言遲緩、行為問題等自閉症病徵，為佢哋改寫人生，令更多喺困境中嘅基層家庭，對未來充滿希望。」
單文柔同現場少數族裔小朋友交流

陳展鵬亦參與活動，同小朋友一齊創作

陳展鵬 同太太 單文柔 結伴出席，除咗合力做善事領養《藍精靈》，佢哋仲參與慈善藝術工作坊，創作屬於佢哋一家嘅《藍精靈》，更同現場嘅少數族裔小朋友同殘障學生互動交流，非常熱鬧。

志偉、展鵬同太太參與呢次活動，希望協助自閉症基層兒童