圭賢1月新巡唱再襲港 首張個人正規專輯下周上市

早前不時低調出巡去旅行嘆美食嘅 圭賢 ，下月就會開始佢嘅《COLORS亞洲巡迴》，慶祝單飛10週年，除咗12月底嘅首爾站，亦會喺亞洲8個城市演出。 

圭賢1月將再次來港，舉行單飛10周年紀念巡唱

首站首爾為期三日嘅演唱會完成之後，明年1月初圭賢就會開始高雄演出，之後月底就會移師香港，隨後再往雅加達、台北、橫濱、曼谷、澳門同馬尼拉開唱。

香港站1月25號農曆新年前舉行 

早前首爾站3場門票，開賣5分鐘即銷售一空，證明圭賢嘅超高人氣，而高雄場門票星期六就會開賣，至於香港同其他場次開票時間將盡快公佈。 今次係圭賢嘅第2次亞洲巡迴演唱會，繼今年巡迴過9個城市後，新一次巡演加入佢首次開唱口嘅澳門同馬尼拉，同更多唔同地方歌迷見面。
巡唱開始前，首張正規專輯下周亦會推出

而下周圭賢就會發行佢首張正規專輯《COLORS》，新碟中包含抒情、舞蹈同流行歌曲，展現佢嘅多樣音樂天賦。