黃庭鋒獲邀為Lisa見面會任主持 成就解鎖英日語流利主持經驗豐富

世界級女團BLACKPINK成員Lisa日前來港舉行Fans見面會，而現場竟然見到為其主持活動嘅係 黃庭鋒 。雖然庭鋒過往曾現場採訪過冬奧，啱啱今屆奧運亦於錄影廠擔任主持，不過佢就對有呢次同Lisa合作嘅機會仍然難以置信，仲自爆開騷前非常緊張。

英語流利嘅黃庭鋒獲邀擔任Lisa香港見面會主持
庭鋒喺社交平台嘅Post都可以睇得出佢有幾興奮喇，佢話：
佢對呢次難得工作機會緊張又興奮

當呢件事真係發生嘅時候，我問左好多次:「係咪真㗎？」亞洲博覽館、1萬位粉絲、單人匹馬、全英文、而最重要係Lisa is in Hong Kong!!! 
今次絕對係我有史以黎最緊張嘅一次演出，雖然之前同碧咸傾計時都有手震，但係今次嘅壓力確實好大，好多謝你嘅友善同熱情，主動同我say hi，令我放鬆，好好享受呢個show😉
最後成功完成呢項任務

庭鋒曾負芨英國同日本讀書，唔止英、日文流利，連足球技巧都一樣頂呱呱。熱愛體育嘅佢亦係中大體育系碩士，入行後唔止擔任唔同節目主持，亦曾拍攝過唔同劇集，今次為Lisa嘅演出擔任主持，相信亦係佢另一成就順利解鎖呀。

早前庭鋒亦有參與奧運主持工作

年前採訪冬奧時暈倒，隔日已再上陣工作，非常敬業