處女黨集合慶祝亞男香香轉字頭 鍾嘉欣貼出土舊照靚樣多年不變

長居加拿大嘅 鍾嘉欣 最近又再返港，為月尾嘅3場佛山演唱會做準備，Linda仲相約 王君馨 苟芸慧 為其餘兩位「處女黨」11月壽星 岑麗香 同 李亞男 食飯兼慶祝生日。

鍾嘉欣近日再返港，準備月底於佛山舉行嘅演唱會
咁啱香香同亞男都係今年轉字頭迎接40歲，加上又遇啱Linda返港，五位閨密可以合體佢地都大呻難得，除咗分別喺社交平台貼出合照分享呢個開心瞬間，仲留言感恩重聚一啲都唔易，君馨就以中英留言話：「呢餐飯好難約Amazing Esthers終於可以同台食飯! 上一次齊人，唔使FaceTime已經係7-8年前Lu!

此行亦順道為處女黨嘅李亞男同岑麗香慶祝生日

五姊妹難得聚頭

Happy Happy Birthday to my dear Lizzy and Leanne! And adddddd oil on your 3 concerts Linda!!! Love you gurlies God is good （生日快樂親愛的香香和亞男，嘉欣的三場演唱會加油! 愛你的君馨，神是美好的）」
相信話題多到講唔完

而李亞男亦留言多謝好姊妹為佢準備驚喜：「 Thank You for the birthday Surprise loves! (多謝你們的生日驚喜! ) 五個一齊真係好難得 love you all (愛你們)!」
Linda仲好有心思用五人昔日舊照剪輯一條短片，祝兩位好姊妹生日快樂之外︳亦希望大家繼續發光發亮。8月時Linda喺廣州演唱會，四位好姊妹亦突然現場送驚喜。五位同係選美入行，相識十多年，依家更各自有自己嘅家庭榮升人妻人母，但係各大重要Moment五位姊妹都會合體互相祝賀，網民亦大讚佢哋嘅友誼超級難得。 

同舊相對比大家都冇乜大改變