與天地對話｜蔡思貝赴索科特拉島取景 遠離繁囂體驗原始之美

於台慶夜當晚為AI年青版 汪明荃 任替身嘅 蔡思貝 ，早前亦參與台慶綜藝《與天地對話》嘅拍攝，25號就會登場嘅佢，同攝製隊花30小時機程遠赴位處也門嘅索科特拉島拍攝，每日都同最原始嘅大自然接觸於天地之間同自己深情對話。

蔡思貝遠赴索科特拉島拍攝《與天地對話》
Sisley指行程中攀山涉水乜都試過，有如歷險旅程一樣，仲話此行非常滿足自己嘅好動個性，又話吸收到當地滿滿嘅天地靈氣咁話。
Sisley此行一嘗原始生活嘅滋味

仲遇上難得一見嘅沙漠玫瑰

佢又話當地美景有如置身仙境一樣，好似遠離地球身處火星咁，大家記得到時同佢一齊欣賞喇。佢仲以星空為被野營充份感受遠離繁囂，更有幸遇上沙漠玫瑰，令佢視為幸運象徵，至於佢遇到另一個喺洞穴生活多時嘅當地人，仲好似電影片段中一樣，令佢眼界大開呀。

雖然同平常生活有好大反差，不過思貝就話非常開心

《與天地對話》星期一至五晚 22:30 翡翠台