巾幗梟雄之懸崖｜胡定欣單身8年脫單公開認愛 蕭正楠見林茂財被擊斃眼濕濕

黎耀祥、胡定欣、蕭正楠、陳曉華（Hera）、羅天宇及謝雪心等主演嘅《巾幗梟雄之懸崖》11月22日大結局，劇組喺結局前同眾演員齊集商場同觀眾欣賞劇集最大謎團揭盅！

《巾幗梟雄之懸崖》嘅演員一齊睇BigBoss下線！由蕭正楠飾演嘅林茂財自爆復仇因由，佢被謝雪心飾演嘅薇姨一槍擊斃，睇在場觀眾拍晒手掌，喺台下睇緊呢幕嘅阿蕭不禁眼濕濕，佢話自己一直好期待呢個角色，仲記得拍攝呢場戲時有啲困難，見到觀眾反應咁好，阿蕭笑言：「死都死得值得。」

睇到蕭正楠於劇中被殺，眾人都忍唔住眼濕濕。睇到蕭正楠於劇中被殺，眾人都忍唔住眼濕濕。
除咗有觀眾嘅喜訊之外，定欣亦忽然發放震憾嘅好消息，Dry咗8年嘅佢終於脫單，大方認愛話已經有一位男朋友，兩人拍咗拖一段時間，對方係圈外人，覺得拍拖係開心事，所以同大家分享，身邊嘅好朋友都知道好戥佢開心。劇中嘅情人祥哥亦送上祝福，仲話劇中演員都喜事重重，希望劇集大結局有好收視就喜上加喜。
單身8年嘅胡定欣，宣布終於脫單喇！
Hera同天宇喺劇中嘅表現獲得好評，接住下星期一亦會播出Hera主演嘅劇集《異空感應》，擔正演出嘅佢有啲壓力，仲撒嬌喺鏡頭前跪求觀眾支持，由於劇集係接近兩年前拍攝，天宇話特別期待，因為睇到Hera進步史。
Hera同天宇喺劇中嘅表現獲得好評。