張艾嘉到台宣傳新片 因母不慎跌倒急返港

張艾嘉憑電影《女兒的女兒》再度入圍金馬影后，原定今天 (22日) 中午出席金馬酒會，但據知因為張艾嘉97歲嘅媽媽不慎跌倒，張姐憂心母親情況而即趕回香港，故未知明日能否出席第61屆金馬獎頒獎典禮。

原定今日（22號）張艾嘉會出席金馬酒會，但因其母親跌倒關係，張姐急回香港。

而日前張艾嘉、林嘉欣、劉奕兒就喺台灣於席該片首映，電影由飾演張姐細女嘅奕兒意外死亡而展開，奕兒話因為角色有太多遺憾，所以次次見到張姐都會忍唔住情緒激動。而張姐就話好開心拍完套戲多咗兩個女，仲記得在化妝時見到兩位感覺好得意，仲講笑話自己點解會生得出兩個咁高嘅女，可以係遺傳爸爸。而林嘉欣面對母女團圓呢幕同樣回憶湧現，見到張姐好開心，示佢為親人一樣。
劉奕兒、張艾嘉及林嘉欣日前於台灣出席新片首映。
對於電影入圍金馬五個獎項，當中包括角逐影后嘅張姐，對此曾三奪金馬影后嘅張姐，就表示抱平常心，演員立場做好件事最重要，最好不要有得失心，有嘅話會變成障礙。