譚詠麟因病延期惠州演唱會 拍片狂咳致歉親交代病情

74歲譚詠麟（阿倫）近年忙不停，一時與溫拿好兄弟開騷，一時又率領明星足球隊喺內地打友誼賽，佢原定周六11月23號喺惠州舉行《譚詠麟經典傳奇巡迴演唱會》，當日突然拍片交代病情，阿倫宣布因病取消，預計延遲至明年4月19號再同歌迷見面。

譚詠麟11月23號喺惠州舉行《譚詠麟經典傳奇巡迴演唱會》，當日突然拍片交代病情。
阿倫喺社交平台貼出一條影片交代身體狀況，見佢面容憔悴，講嘢其間更數度咳嗽，指佢同主辦方啱啱開完會，阿倫喺前一日都盡力去試唱，不過佢把聲出嚟嘅感覺係非常唔得，「我諗住有六成、七成我都會上台，但都去唔到」，最後阿倫與團隊決定應該暫時取消演唱會，希望歌迷見諒，而拍片嘅過程中，譚詠麟多次咳嗽，睇嚟病得嚴重，要啲時間休養。

阿倫又指返港第一日感覺還好，星期一晚上開始咳嗽及失聲，佢已馬上睇醫生食藥打針。
阿倫又指返港第一日感覺還好，星期一晚上開始咳嗽及失聲，佢已馬上睇醫生食藥打針，直至開騷前已用盡任何方法，任何對喉嚨有幫助嘅藥物都試用，亦冇幫助更冇好轉，阿倫坦言喺台上綵排試咗個幾鐘，但冇一首歌可以完成；阿倫無奈決定將演唱會改期，希望之後用最好嘅聲音、狀態再喺台上同大家開心見面。阿倫叫歌迷唔使擔心，自己會努力調理好身體。

阿倫坦言喺台上綵排試咗個幾鐘，但冇一首歌可以完成。
主辦方亦發布延期公告及補償方式，指本次演唱會取消，將延期至2025年4月，觀眾選擇保留訂單或退票，之不過有部分內地觀眾對於安排感到不滿，晚上開騷卻喺下午先發出通知，有啲觀眾已前往當地，指今次只可退票，連交通費同住宿都蝕埋，另有網民體諒阿倫嘅失落與無奈，稱阿倫以真摯態度道歉，希望大家理解。