張智霖恨做阿爺唔介意阿仔早婚 魔童樂於跟爸爸分享情竇初開少男感情事

張智霖（Chilam）同袁詠儀（靚靚）兩公婆一齊出動搵真銀，靚靚仲著到靚一靚，睇上去好有仙氣，連Chilam忍唔住稱讚老婆。Chilam話靚靚依家買衫好注重環保，一件衛衣一家三口輪流着，不過有時交換衫著會擺烏龍，好似有次Chilam北上工作，靚靚疑似執咗件女裝衛衣畀Chilam，搞到佢好尷尬。

靚靚睇上去好有仙氣，連Chilam忍唔住稱讚老婆。
話咁快魔童今年已18歲，遺傳父母良好基因嘅魔童高大又靚仔，有女埋身好正常，靚靚話好開心魔童有咩都會同父母分享，尤其好樂意同爸爸傾感情事，Chilam就搞笑話好鼓勵阿仔快啲拍拖，最好下年就結婚生仔，等佢可以湊孫享天倫，呢位阿爸果然好開通。

靚靚話好開心魔童有咩都會同父母分享，尤其好樂意同爸爸傾感情事。
講到嚟緊嘅聖誕節，靚靚就預告佢哋一家三口已計劃去日本滑雪，過一個白色聖誕，靚靚話今次日本行係魔童主動提出，事關佢下年開始就會同朋友一齊過聖誕，所以靚靚同Chilam要珍惜難得嘅親子時光啦！

Chilam就搞笑話好鼓勵阿仔快啲拍拖，最好下年就結婚生仔。