周興哲出碟獲舒華拍片支持 澳洲開唱有周杰倫做導遊交流湊B心得

周興哲（Eric）相隔四年終於推出新專輯，為隆重其事，Eric邀請到知道Hip Hop新秀GummyB一齊Jam歌，大騷Rap功。呢隻碟唔只係Eric成為人夫後第一隻碟，更係比佢同太太趙岱新二胎更先一步出世嘅音樂作品，被問新碟邊首歌最得到太太歡心時，Eric就話太太鍾意聽情歌，所以有問佢點解唔寫情歌啊！

呢隻碟唔只係Eric成為人夫後第一隻碟，更係比佢同太太趙岱新二胎更先一步出世嘅音樂作品。

Eric一向圈中人緣好，呢次出碟都得到唔少圈中好友拍片祝賀，當中更包括韓國女團(G)I-DLE成員舒華。Eric呢日就喺記招上暗示二人有合作機會，叫大家好好期待一下，話唔埋之後會有音樂作品推出。 

韓國女團(G)I-DLE成員舒華。Eric呢日就喺記招上暗示二人有合作機會。

Eric早前喺澳洲開巡唱時就獲「澳洲女婿」周杰倫熱情招待。Eric大讚周董係一個好識照顧人嘅哥哥，又同導遊一樣帶自己喺當地又食又玩，而二人更交流湊B心得。