朱智勛相隔18年再拍愛情劇 鄭裕美投訴拍檔太高拍攝添難度

朱智勛時隔18年再演浪漫愛情劇，新劇同鄭裕美搭檔，講述學生時代曾經相戀，但係因家庭之間嘅反目而被迫分開，時隔多年相遇後展開嘅故事。二人劇中彼此又愛又恨，鬥戲連場，火花十足。喺記招上，朱智勛表示劇情搞笑得嚟都有好多感動位，希望觀眾可以感受到。朱智勛同鄭裕美合作，除咗係顏值天花板嘅組合之外，仲係最萌身高差嘅配搭。

朱智勛時隔18年再演浪漫愛情劇，新劇同鄭裕美搭檔。

鄭裕美就大爆COOL爆男神私底下其實好可愛，不過呢個188CM同163CM組合喺演戲時，為咗就鏡頭就得好辛苦，鄭裕美話每次拍完，因為成日要抬頭望佢，所以條頸都覺得特別攰，不過朱智勛就話自己其實只係正常身高，唔係姚明咁誇張嘅高度，所以同鄭裕美對戲時，視覺都係差唔多，唔會覺得特別辛苦。
鄭裕美就大爆COOL爆男神私底下其實好可愛。