楊洛婷與老公巴黎浪漫之旅慶祝結婚10周年 竟有艷遇埋身主動攀談

今年12月係楊洛婷（Rabee’a）同老公黃天翱（Tim）嘅十周年結婚紀念日。楊洛婷一直好想同老公去巴黎鐵塔影靚相，Tim早前驚喜安排一趟巴黎浪漫之旅，楊洛婷非常感謝老公，為佢安排呢個驚喜之旅。起初楊洛婷心情非常緊張，因為要暫時放低小朋友，又要暫停所有工作。

Tim早前驚喜安排一趟巴黎浪漫之旅，楊洛婷非常感謝老公。
巴黎現時氣溫寒冷，佢兩公婆出發前仲落緊雪，好在佢哋到埗後冇落雪，甚至每日都係晴天，陽光普照，唯獨拍照嗰日落雨，氣溫僅四、五度，呢次楊洛婷同老公Tim搵咗法國攝影師幫忙影咗一輯靚相，而呢位攝影師嘅作品出名真實展現巴黎浪漫情懷。

拍照嗰日落雨，氣溫僅四、五度，呢次楊洛婷同老公Tim搵咗法國攝影師幫忙影咗一輯靚相。
兩公婆喺巴黎鐵塔附近影咗大約兩個鐘，佢哋對相片效果非常滿意，今次旅程仲發生咗一啲有趣事。楊洛婷拎咗一條由一位設計師好友為佢10年前wedding設計嘅晚裝裙去影相。如今再著呢條裙有少許鬆身，證明佢而家身形比結婚時更靚更fit。

楊洛婷此行仲有艷遇，被一位身材高大又英俊嘅西班牙男士主動攀談。
楊洛婷此行仲有艷遇，有一日佢特別想食crepe，就自己去咗排隊買，排喺佢前面嘅一位身材高大又英俊嘅西班牙男士主動攀談，詢問楊洛婷來自何處，又問香港有咩好玩嘅地方等，當時對方並未察覺Tim嘅存在，呢位男士喺畀錢嗰陣，就將手上嘅電單車頭盔遞畀楊洛婷拎著。Tim見狀覺得唔太對路即行上前，而呢位男士就俏俏離開。

今年12月係楊洛婷同老公Tim嘅十周年結婚紀念日。