《黑色月光》劇組睇結局丨林夏薇演技爆發拍至崩潰 鍾澍佳變暖男為太太炮製驚喜

台慶劇《黑色月光》大結局喇！楊茜堯、林夏薇、尹揚明及總監製鍾澍佳等一眾台前幕後相約食飯兼一齊收睇大結局，佳導仲為老婆送花、送蛋糕炮製生日驚喜，二人又甜蜜錫錫，真係好閃！茜堯大讚佳導有一顆「女人心」，錫老婆之餘仲非常細心，不過佳導笑言自己只係「怕老婆」。

一眾台前幕後相約食飯兼一齊收睇大結局。

薇薇作為全劇最大反派，喺劇集尾聲更不停爆發演技，特別係結局彩蛋嘅一段薇薇飾演嘅卓慧雲喺精神病院，大叫「余滿月，我唔會放過你」嘅戲份，令觀眾好期待會有續集。雖然未知續集會唔會真係有第二季，不過佳導形容卓慧雲係壞人界最勵志代表。

佳導仲為老婆送花、送蛋糕炮製生日驚喜，二人甜蜜錫錫。

茜堯、薇薇及王浩信三人最後對戲場口張力十足，薇薇就話睇番都有少少眼濕濕，當時真係拍到好有崩潰感覺，一行出鏡已忍唔住開始爆喊。 劇集同演員喺《萬千星輝頒獎典禮2024》獲多項提名，加上成績好好，令大家認為得獎呼聲好高。茜堯、薇薇感激觀眾支持，越多提名就代表觀眾越鍾意呢套劇集。 

劇集尾聲更不停爆發演技，特別係結局彩蛋嘅一段薇薇飾演嘅卓慧雲喺精神病院嘅場口。

劇中一眾小花，莊易羚、曾文心及梁超儀都有現身睇結局，黃建東、林景程及何啟南睇完結局後已經有續集idea，仲幫續集改名做「白色太陽」、「白色日光」。三人笑言要煽風點火講多幾句令續集成事，最好就係可以拍續集，佢哋可以繼續參演。

茜堯、薇薇感激觀眾支持，越多提名就代表觀眾越鍾意呢套劇集。