衛詩雅奪亞太影展影后 工作忙碌零時間籌備婚禮

衛詩雅主演嘅新戲《破・地獄》氣勢強勁，喺導演第61屆亞太影展更奪得4項大獎，包括導演陳茂賢獲「最佳導演獎」、衛詩雅則奪得最佳女主角獎（Michelle）。繼華鼎獎後再次成為影后嘅Michelle同導演喺馬來西亞返港會見傳媒，分享得獎喜悅。

陳導演形容由開拍開始到上映有咁好成績，一切都好奇妙。

陳導演形容由開拍開始到上映有咁好成績，一切都好奇妙。而Michelle就感謝導演冇放棄自己，亦希望電影可以越走越遠。不過因為工作太忙，所以仲未有時間同未婚夫慶祝，甚至試過因為忙到暈暈地，所以發生返錯屋企添！ 

Michelle因為工作太忙，所以仲未有時間同未婚夫慶祝。

電影票房節節上升，陳導演之前更答應黃子華如果票房破紀錄嘅話就會推出加長版，呢日導演話要開始準備動工喇！而佢表示子華神嘅「偶像」岑珈其以及谷德昭導演被刪嘅戲份會回歸。

陳導演之前更答應黃子華如果票房破紀錄嘅話就會推出加長版。

 導演為宣傳電影馬不停蹄拉大隊四出謝票，完結呢日活動後，佢哋又要去墨爾本繼續宣傳，令Michelle話自己嘅婚禮都冇時間準備，連姊妹團名單都未落實。不過Michelle就話導演喺悉尼時同自己講，可以擔任姊妹之一。呢日陳導演就話如果佢要做姊妹，就叫埋陳家樂、朱栢康、岑珈其一齊，為Michelle拎開門利是。