黎諾懿教濕疹患者製作營養飯團 分享大仔峰峰濕疹經歷

黎諾懿身兼多職，近年積極投入幫助病友嘅行列，最近佢化身星級廚神，連同太太、慧妍雅集前會長李潔瑩（Nicole）以夫妻檔出場，加上慧妍雅集會員彭慧中（Phoebe）作為佢嘅星級助理，三人齊心協力，教濕疹患者製作健康又營養嘅飯團。 

黎諾懿近年積極投入幫助病友嘅行列。

慧妍雅集前會長李潔瑩同慧妍雅集會員彭慧中化身星級助理。

諾懿早前喺外地出差，即趕住尖沙咀出席一場關於濕疹患者嘅管理講座與烹飪工作坊；呢個活動大部分參加者係濕疹患者，身為兩子之父嘅諾懿，以照顧者身份分享大仔「小春雞」峰峰嘅濕疹經歷，坦言初發現大仔患濕疹嗰陣，曾試過用芫荽水沖涼，但效果不彰，睇住大仔皮膚又紅又腫，心中十分不忍，直到向皮膚科專科醫生求助後，情況逐漸好轉。 

身為兩子之父嘅諾懿，以照顧者身份分享大仔「小春雞」峰峰嘅濕疹經歷。

黎諾懿教濕疹患者製作健康又營養嘅飯團。

諾懿更化身星級廚神親自示範點樣製作美味嘅牛油果雞肉藜麥飯糰，指牛油果富含健康脂肪，有助滋潤皮膚，減輕乾燥同瘙癢；而雞肉係優質蛋白質嘅來源，有助喺皮膚細胞修復同再生。最後藜麥作為營養豐富嘅穀物，比白米嘅升糖指數較低，能穩定血糖，減少炎症反應，對控制濕疹尤為重要。

諾懿化身星級廚神親自示範點樣製作美味嘅牛油果雞肉藜麥飯糰。