2024亞洲影藝創意大獎丨麥美恩擊敗亞洲區對手 奪得最佳娛樂節目主持獎

張振朗同麥美恩早前獲得《2024亞洲影藝創意大獎》香港區「最佳男主角」同「最佳娛樂節目主持」，佢哋一齊去新加坡參加頒獎典禮，兼且擔任頒獎嘉賓。

張振朗同麥美恩早前到新加坡出席頒獎典禮。
麥美恩話今次經歷好新鮮，最終佢憑《Mayanne小喇叭》擊敗印度、馬來西亞、菲律賓同新加坡嘅主持，獲得最終「最佳娛樂節目主持」殊榮。
上台接受獎座一刻，麥美恩情緒激動。
上台接受獎座一刻，麥美恩情緒激動，因為呢個係佢人生首個海外獎項，佢喺台上多謝公司，仲有感激佢嘅人生導師曾志偉嘅信任，畀佢主持清談節目，以及一眾受訪嘉賓與台前幕後。麥美恩講到移居香港13年追夢，感恩觀眾嘅接受，令佢好驕傲代表香港獲獎。頒獎禮後，麥美恩情緒仍然好激動，又特別感激宣布賽果一刻，振朗喺身邊陪伴。

麥美恩憑《Mayanne小喇叭》獲得最終「最佳娛樂節目主持」殊榮。