莫鎮賢開騷首播黎明詩遺作MV 李樂詩乳癌手術後演出狀態佳

莫鎮賢相隔三年再度開騷，邀請李樂詩、何婉盈、文佩玲及「中一生」李泇霖同台獻聲，為觀眾帶嚟連串經典金曲。相比對上一次喺疫情期間開騷，莫鎮賢今次少咗戰戰兢兢感覺，可以清楚見到台下每位觀眾嘅樣。
莫鎮賢

李泇霖何婉盈四位女神一齊開騷。
李樂詩喺2021年患上乳癌，經歷幾次手術兼長時間休養後，今次為咗令演出狀態更好，佢提早兩個月前訓練，見佢喺台上表現，相信歌迷好放心。幾位女歌手以女團姿態載歌載舞，為觀眾帶嚟驚喜，李泇霖自評演出狀態比參賽時更好。

李樂詩
文佩玲

喺演唱會上，莫鎮賢獻唱新歌《這是你》，同時首播MV，而MV搵嚟好友黎明詩擔任女主角，可惜好友等唔到MV面世，喺今年三月癌逝，見到故友演出，莫鎮賢勾起去年年底拍攝時嘅畫面，佢話拍攝當日黎明詩好健康好靚，當時以為好友身體已康復，而MV中好多鏡頭都係黎明詩提議點拍，所以獻唱呢首歌時有好多感覺好難演繹，希望時間可以沖淡一切。
莫鎮賢 黎明詩《這是你》MV截圖。眾人騷後接受訪問。