羅嘉良廣州開騷重溫劇集金曲 難忘難兄難弟李奇經典角色

羅嘉良（撈家）日前宣布明年年中將喺廣州開騷嘅好消息，呢日佢就為個唱拍攝海報。撈家入行多年，除咗演戲，更出過唔少歌曲，呢次開騷會歌迷對佢嚟講係個好好紀念，而且帶觀眾重溫佢嘅經典電視劇集歌曲。

羅嘉良為演唱會拍攝海報。
撈家喺TVB演出劇集無數，好多角色都令觀眾留下深刻印象，而撈家就覺得《難兄難弟》嘅李奇令佢最難忘，憶起當年拍呢套劇之前，完成一套反派之作《天地男兒》，及後公司就邀請佢出演《難兄難弟》，撈家笑言自己屬於唔怕死性格，咩角色都夠膽嘗試，估唔到角色咁成功。
撈家話《難兄難弟》嘅李奇一角令佢最難忘。
撈家北上發展後有密密拍劇，翡翠台現正熱播嘅古裝劇《說英雄誰是英雄》亦有佢嘅演出，撈家慶幸有咁多演出機會，包括《昭君出塞》、《狼煙》等，喺後者劇中撈家飾演一位現代解放軍師長，角色令佢同樣深刻。
撈家表示演唱會上會獻唱電視劇集嘅經典歌曲。