棒棒堂合體拍新節目挑戰上山下海 42歲敖犬被嘲笑年紀大體力差

近年台灣掀起一股男團合體熱潮，今次終於輪到大家敲碗好耐嘅Lollipop棒棒堂。相隔15年，六棒敖犬、小煜、王子，威廉，阿緯同小傑終於合體主持新節目。

相隔15年，六棒敖犬、小煜、王子，威廉，阿緯同小傑終於合體主持新節目。
節目中六棒喺經理朵拉帶領下，挑戰各種任務，話晒已經分開發展15年，默契可能要重新培養，敖犬話：「默契我自己感覺第一集還好，大家好像還在摸索試探，但到第二集的時候，大家默契就突然炸裂。」

小煜仲大爆42歲嘅敖犬次次出外景返上巴士就要食補品。
成員阿緯淡出幕前後專心打理生意，依家嘅身份係飲食大亨，佢坦言因為節目錄影過程比想像中辛苦，所以確實有少少後悔，不過可以同幾位兄弟再聚埋一齊，亦令佢覺得好感動。

威廉今次身兼節目製作人，佢規劃咗一系列上山下海嘅高難度內容，都真係幾考體力。
威廉今次身兼節目製作人，佢規劃咗一系列上山下海嘅高難度內容，都真係幾考體力，問到邊個體力最差，大家就將矛頭指向年紀最大嘅敖犬，小煜仲大爆42歲嘅敖犬次次出外景返上巴士就要食補品。至於體力最好嘅，大家就公認係未結婚嘅小杰同王子。

大家就公認係未結婚嘅小杰同王子。
六棒今次合體除咗拍節目，仲計劃出新歌同開演唱會，小杰透露已經開始收歌，不過由於下年係佢地出道19年，個數字冇咁靚，所以可能要等到20年先會開騷。