中山美穗驗屍報告公開 葬禮將以私人形式舉行

日本一代天后 中山美穗 於6號被發現倒斃寓所浴室，終年54歲。外界對中山美穗嘅死因眾說紛紜，更有唔少傳媒去到其寓所外採訪，希望得到第一手消息。
中山美穗於6號被發現倒斃於家中浴室。
今日（8號）中山美穗嘅官方網站就發出公告，希望媒體同fans可以尊重死者嘅家屬同相關人員嘅私隱，拜託外界保留適當空間克制追訪。同時亦希望大家唔好監視或探訪中山美穗嘅住宅或辦公室，因為有機會會對附近居民造成不便。
網站表示葬禮將會低調舉行。
公告中亦表示中山美穗嘅葬禮會低調以私人形式舉行，故唔會向外公布日期、時間同地點，懇請廣大媒體同fans理解同配合。至於中山美穗嘅追思會地點同時間，官方網站就指細節仍在討論中，當一切落實後將會再作公布。
同時亦公布咗驗屍報告。
另外，官方網站同日亦公告中山美穗嘅驗屍結果，表示案件中並無可疑之處，而死因相信係佢洗澡時發生意外所致。（検死の結果、事件性はないことが確認されました。また、死因は入浴中に起きた不慮の事故によるものと判明いたしました。）

公司盼大家畀啲空間中山美穗嘅家人。