周杰倫大巨蛋尾場與五月天合體 張惠妹被點名合唱狂跳《三天三夜》

周杰倫 喺新場地台北大巨蛋舉行嘅4場演唱會完美落幕，而尾場更吸引 林志玲 山下智久 周興哲 中華台北棒球隊隊長 陳傑憲 等捧場。唔止台下熱鬧，台上亦由 五月天 擔任尾場表演嘉賓，阿信仲指自從周董宣佈喺大巨蛋開騷之後，自己就好似變咗票務員一樣，日夜都收到求飛要求咁話。

周杰倫於台北大巨蛋舉行4場演出

五月天為周董嘅演唱會擔任尾場嘉賓
呢日以觀眾身份入場嘅 張惠妹 睇到一半竟然都被周董發現，仲即時要求合唱，阿妹亦樂於同大家合唱，仲唱唔夠喉自己要求加碼。過往曾喺小巨蛋演出而被附近居民投訴，最後有關方面仲定出「阿妹條款」，雖然已經係舊聞，但呢日周董就重提舊事，仲即場幽舊場地一默，全場合唱《三天三夜》。

睇騷嘅張惠妹亦被點名合唱一首又一首