陳柏宇個唱明年2月舉行 過年情人節綵排搏老婆唔嬲

陳柏宇 早前推出全新專輯《LIFE IS HARD》，而當中概念更延續到全新個唱《LIFE IS LIVE演唱會》之上，已為兩孩之父嘅Jason，隨住年月漸長，逐漸對生命唔同命題有更多問號。個唱定於明年2月中舉行，門票12月20號起公開發售。

陳伯宣佈出年2月中就會舉行新一次個唱
今次演唱會係似係Jason嘅人生劇場，佢希望用歌曲、故事去分享生命中每一個角色，為大家對訴說一切。今次Jason除咗演繹自己作品之外，亦會演繹別人的歌，以更全面歌單，展示人生中不同面向。 今次選擇情人節翌日舉行個唱，恐怕Jason唔止整個新年，就連情人節都難以同太太Leanne慶祝，不過Jason就話：「情人節又唔係生日，老婆唔會詐型啦！」不過佢亦提到，其實過去兩年一直想搵機會開騷，奈何一直入紙申請都未能成功，結果演唱會要先喺澳門開始，到2025年先轉戰香港。
Jason指今次將會同大家分享自己對人生嘅唔同睇法

而演唱會海報就用上Jason一家四口平日經常遊玩嘅遊樂場拍攝嘅全家福即影即有照片，呈現生命中嘅美滿家庭。佢仲話：「香港場預備咗啲新原素畀大家，個rundown都唔同㗎！但我唔可以透露太多，只可以講唔入場你就會後悔！」

演唱會海報加入全家福，陳伯仲話今次係首次喺會展開騷