周杰倫成首位啟德開騷男歌手 明年6月開3場預門票爭崩頭

亞洲天王周杰倫繼Coldplay之後進駐啟德體育園主場館開騷，明年6月約定歌迷一齊連瘋三晚，香港歌迷得知消息欣喜若狂，周杰倫剛完成連續4日喺台北大巨蛋舉行《嘉年華演唱會》，2025年6月就嚟香港首攻香港最大最靚最新場地。

亞洲天王周杰倫繼Coldplay之後進駐啟德體育園主場館開騷，明年6月約定歌迷一齊連瘋三晚。
周杰倫演唱會門票將於12月18號開始指定信用卡獨家優先訂票，主辦單位表示是次於新場地舉行，舞台規格上已與之前中環海濱唔同，目前團隊正緊密進行籌備工作，跟各部門配合設定舞台台圖，必定能讓大家喺視聽上會有更新嘅震憾，而周杰倫笑言自己似小學生有啲新鉛筆一樣會變顏色嘅螢光棒，更會全部以贈送形式送畀每位入場歌迷紀念。

周杰倫剛完成連續4日喺台北大巨蛋舉行《嘉年華演唱會》，2025年6月就嚟香港首攻香港最大最靚最新場地。
至於點歌環節，今次周董唔會喺香港破台灣紀錄超過15首，就要睇香港歌迷到時嘅表現，而香港場會唔會3日都有唔同嘉賓，主辦單位就賣個關子，屆時等歌迷進場感受驚喜。

今次周董唔會喺香港破台灣紀錄超過15首，就要睇香港歌迷到時嘅表現。