中年好聲音3丨黃博選擇以高難度歌曲對戰視障選手朱麗萍感激丈夫支持

《中年好聲音3》將於12月15號上演60強一對一淘汰賽第三輪，呢一集有唔少有比賽經驗嘅選手上場，包括張淑鳳、熊力衡同高正洋等。面對淘汰賽，唔少五燈選手都表現失準，甚至被淘汰，不過被封為魔王級別嘅選手黃博依然唔擔心，揀咗難度唔低嘅歌曲出戰，佢話因為想令大家記住佢嘅聲音，為咗令表現穩定，佢出賽前每晚都會練歌同埋健身練氣。

魔王級別選手黃博

視障選手朱麗萍面對殘酷賽制，佢都選擇正能量歌曲獻唱，希望令大聽完之後充滿力量。丈夫由報名至出賽都陪伴，朱麗萍都特別感激丈夫一直畀到好多安全感佢，令佢有自信心。
視障選手朱麗萍