趙世曾巨宅開聖誕酒會未言休 范冰冰獲邀參加偷師緬懷離世瓊瑤

范冰冰 呢日獲富商 趙世曾 邀請，出席佢喺豪華大宅舉行嘅聖誕派對，近來不時喺香港出現嘅冰冰，以一身中式打扮參與酒會，仲同趙世曾即場共舞，更指趙苑嘅氣派令自己嘆為觀止，仲話要好好參觀學吓嘢呀。

趙世曾於豪宅寓所舉行聖誕舞會，邀請范冰冰任嘉賓
雖然最近冰冰不時喺香港生活動，不過呢日就提到香港樓價依然係貴，所以未有入手置業，佢仲講到自己對裝飾同屋企佈置有唔少要求，所以一定會主動參與意見。
席間趙世曾又同合唱團一齊合唱聖誕歌，非常投入

知名言情小說作家 瓊瑤 月初離世，曾演出《還珠格格》嘅冰冰，就話當年拍攝時只係得16歲，認為呢次演出機會係演藝人生嘅開端，非常遺憾瓊瑤選擇輕生，不過尊重對方決定。
冰冰又對當年提拔自己嘅瓊瑤離世表示非常遺憾

趙家幾位子女呢日亦有參與酒會，趙世曾仲同合唱團一齊合唱聖誕歌曲，之後又提到一直非常欣賞冰冰嘅演出，非常高興對方出席做嘉賓，已年屆88歲嘅佢仲話自己身體依然健康，所以未有退休嘅打算，仲話食得運動得，年年驗身結果都非常好。情史豐富嘅佢仲話依然有拍拖，情人仲非常多，認真犀利。

趙世曾呢晚亦同嘉賓冰冰一齊共舞