TVB愛心基金冬至送暖慰長者 港姐《愛．回家》熱血探訪抗低溫

無綫電視暨職藝員愛心基金 嘅 「冬至送暖」活動，今年已經連續第12年舉辦，呢日行政主席許濤 JP、助理總經理兼愛心基金主席 黃德慧 ；將軍澳警區指揮官 麥文禹總警司 、香港紀律部隊義工服務隊主席 麥錦輝 ，就同應屆香港小姐 倪樂琳 楊梓瑤 王汛文 以及一 眾《愛．回家之開心速遞》藝員，好似 滕麗名 林淑敏 湯盈盈 莊思明 單立文 仲有 張景淳 一齊到將軍澳寶林邨以及沙田水泉澳邨派發福袋同探訪獨居長者、兩老家庭同基層家庭送暖喇。

TVB愛心義工隊、應屆香港小姐同紀律部隊義工服務隊齊齊參與冬至送暖
TVB除咗日常為大眾提供娛樂、資訊以及教育嘅使命之外，亦非常關心弱勢社群，積極回饋社會，不時同各界慈善機構合辦籌款節目，多年來籌得善款已超過70億港幣。
TVB行政主席許濤、將軍澳警區指揮官麥文禹總警司(左一)、愛心基金主席黃德慧(右一)率領眾藝員到寶林邨慈善探訪

2012年正值TVB 45周年台慶時，「無綫電視暨職藝員愛心基金」宣佈成立，以善款同行動支援落喺既有福利機制以外，而急切需要經濟援助嘅人士，幫助佢哋避免因經濟困境衍生出唔同家庭問題。2013年愛心基金獲得稅務局審批成為稅務豁免(S88)慈善機構，開始正式運作，至今已協助超過1200個有經濟困難嘅家庭解決燃眉之急，援助金額接近港幣1400 萬。

「2024 冬至送暖」活動支持機構，包括「TVB愛心義工隊」、「將軍澳警區」以及「香港紀 律部隊義工服務隊」，近百名義工分別喺將軍澳、沙田、黃大仙、觀塘、油塘、上水、 粉嶺、小西灣以及石排灣，派發福袋同愛心探訪。整個冬至愛心送暖活動共派發1500份福袋，希望每位受惠者都感受到愛心基金同義工們嘅溫暖同關懷。
愛心基金今年已係第12年舉辦冬至送暖活動

電視廣播有限公司行政主席許濤喺記者會稱，愛心基金「冬至送暖」連續開展12年，受惠者人數超過42000人，唔止持續彰顯無綫電視嘅企業社會責任，亦同時展示各部門職藝員從心出發、關懷社會嘅具體行動，致力將愛心廣泛傳遞至社會各個角落。

無綫電視喺過去57年間，為香港無數家庭帶來歡樂，由《歡樂今 宵》到《愛．回家》，都深受觀眾喜愛。希望大家支持「無綫電視暨職藝員愛心基金」， 一齊為香港社會帶來更多正能量。
幾位應屆香港小姐倪樂琳、楊梓瑤同王汛文指，往後將會繼續行善送暖

參與活動嘅一眾《愛．回家之開心速遞》藝員亦分享感受，滕麗名、林淑敏、莊思明、 單立文同張景淳都表示，深刻感受到長者們收到福袋時嘅開心雀躍，可以一齊分享節日嘅喜悅令佢哋覺得極有意義，亦呼籲大家多關心身邊長者，同時強調保持健康的重要性，鼓勵大家多做運動促進身心健康。

深受歡迎嘅《愛．回家》一眾成員分享探訪感受
而應屆香港小姐倪樂琳、楊梓瑤同王汛文亦分享感受，天氣雖然寒冷，而送暖探訪唔止係將溫暖帶俾長者，自己同時亦感受到溫暖，佢哋仲表示未來都會積極參與更多社區探訪活動，將愛同關懷傳遞下去。

最後，許濤代表愛心基金頒發感謝狀予將軍澳警區同香港紀律部隊義工服務隊，並由將軍澳警區指揮官麥文禹總警司以及香港紀律部隊義工服務隊主席麥錦輝先生代表接受。

許濤頒發感謝狀予將軍澳警區指揮官麥文禹總警司

香港紀律部隊義工服務隊主席麥錦輝代表成員接受感謝狀