我們的秘密｜叉燒姐鄺玲玲下月再返港 與Orm西沙辦見面會冧Fans

曾經參與《冲遊泰國》拍攝，因細佬於翟道翟售賣叉燒而被稱為 叉燒姐 嘅 鄺玲玲 ，因為可愛高佻身形而為香港觀眾熟悉。今年玲玲仲因為拍攝正於 myTV SUPER 播出嘅GL劇扮演一名醫生，同劇中泰星Orm飾演嘅Earn而爆紅，見面會更由泰國開到香港澳門、菲律賓，之後連內地同台灣都分別舉行。
鄺玲玲同Orm合作嘅《我們的秘密》爆紅

近日佢哋正身處澳門同Fans見面，而好快1月中玲玲同Orm亦會再以CP姿態重返香港，1月11號喺西沙再次同大家見面喇。

劇集播出後呢對CP已到多個唔同城市舉行見面會
其實港泰混血嘅鄺玲玲於香港出生長大，直至17歲先返泰國升讀高中同大學，2018年玲玲參加年度選美而獲電視台相中，之後隨即入行。直到2022年玲玲首度擔正劇集《親愛的瑪卡莉》扮演精靈Theerak，仲先後喺《古靈精怪東南亞》同兩輯《冲遊泰國》亮相，正式同香港觀眾見面。
早前佢參與《冲遊泰國》同《古靈常怪東南亞》而令香港觀眾認識

今年接拍《我們的秘密》更令佢聲名大噪，佢同Orm嘅合作仲令劇集入圍同獲得唔少獎項，各式廣告更加係拍唔停。

1月玲玲同Orm就會再現身香港同Fans見面