張惠妹大巨蛋跨年個唱即將舉行 入場歌迷將獲場刊螢光棒超貼心

香港全新表演場地啟德體育園近來進行幾次測試賽，正式啟用日子越來越近，早前仲公佈明年6月 周杰倫 就會喺呢個全新場地演出，有望成為繼Coldplay 4月演出之後，首位於啟德演唱嘅男歌手，令唔少朋友都已經準備定撲飛喇。

張惠妹下星期就會展開佢嘅大巨蛋演唱會(聲動娛樂提供)
日前周董亦已經「飲頭啖湯」，喺台北大巨蛋開唱4場成為首位開唱歌手，仲搵埋座上客老友 張惠妹 開口曬巨肺唱功，而即將接力喺大巨蛋舉辦5場跨年演唱會嘅阿妹，早已喺深圳租用場地投入綵排，仲提早公佈演唱會安排與及交通協調細節，非常細心。
仲將會為入場歌迷送上福袋，連買紀念品錢都慳返

阿妹嘅公司提早一星期向傳媒發稿，屆時將向5場演出嘅每一名入場歌迷送上紀念品福袋，當中包括有扇同螢光棒，仲有每晚都唔同封面嘅精美場刊，佛心唔使歌迷再花費購買。

五場演出仲每晚會有唔同封面嘅場刊