陳國峰榮獲職業泰拳教練證書 被金袍拳王葉文龍讚譽有加

陳國峰Penny最近開啟咗全新嘅泰拳旅程，除咗獲得金袍拳王葉文龍真傳外，Penny近日仲榮獲職業泰拳教練證書。
陳國峰最近開啟咗全新嘅泰拳旅程。
喺為期5日、共計40小時嘅密集訓練中，Penny全心投入面對嚴格嘅考核同挑戰，當中除咗學習到基本嘅泰拳技術，仲深入了解到泰拳嘅文化同歷史，令Penny對呢項運動有更全面嘅認識。
Penny近日榮獲職業泰拳教練證書。
WPMTA世界職業泰拳總會中國首席泰拳專家金袍拳王葉文龍，就對Penny嘅表現讚譽有加，指佢喺短時間內掌握多項關鍵技術，未來有機會成泰拳界嘅明日之星。對此Penny興奮地表示：「能夠得到師傅葉文龍的指導，真是我的榮幸！這次訓練不僅提高了我的技術，還讓我更深入地了解泰拳文化。未來我會將這份熱情延續下去！」佢仲強調呢段經歷係對佢嘅自我挑戰同心靈成長嘅重要旅程。
WPMTA世界職業泰拳總會中國首席泰拳專家金袍拳王葉文龍，對Penny嘅表現讚譽有加。
對於Penny獲得WPMTA職業泰拳教練證書，無疑為香港泰拳發展注入咗新活力，而Penny嘅粉絲亦喺其社交平台上表示支持，期待佢喺未來嘅比賽中脫穎而出。