TVB愛心義工隊落區探訪獨居長者 65歲單立文嗌64歲長者婆婆鬧笑話

TVB愛心義工隊 不時四出做善事回饋社會，日前佢地參與無綫電視暨職藝員愛心基金舉行嘅冬至送暖活動，落區送過千個福袋。一齊出動送愛心嘅包括三位應屆港姐倪樂琳、楊梓瑤、王汛文，仲有《愛回家之開心速遞》嘅一眾演員包括單立文、滕麗名、林淑敏、張景淳同莊思明，而TVB行政主席許濤亦有隨行，大家親切同獨居長者傾偈，了解更加多老人家嘅需要。

TVB義工隊成員同其他協力機構一齊探訪同派福袋
許濤表示活動已經持續12年，TVB視回饋社會係所有業務中嘅重要環節，TVB有責任為社會提供需要嘅服務。
行政主席許濤亦都有參與活動

各位老友記見到《愛．回家》演員跳出公仔箱都覺得好驚喜，大家都話好鍾意睇呢套劇，不過豹哥就自爆探訪過程發生咗件烏龍事，事關豹哥同個婆婆傾偈，傾傾吓先發覺原來自己嘅年紀仲大過婆婆。大小姐同阿滕今次探訪老友記亦有意外收穫，由婆婆身上學到點樣買餸最抵。

幾位應屆港姐亦都參與行善至於三位應屆港姐係第一次參與冬至送禮活動，其中有一位高齡95歲嘅婆婆，講嘢依然好精靈，就令佢哋印象深刻。