梅啟明現身高院聽審 盼梅媽身體健康長命百歲

梅媽覃美金早前遭律政司司長入稟高等法院申請破產，案件呢日開庭聆訊，梅媽未有現身，不過已被斷絕關係嘅梅啟明就現身法院，表示要了解事件。

梅媽早前被律政司入稟申請破產，案件星期二於高等法院開庭
在場傳媒問到佢係咪想見下媽咪？梅啟明就指大家明知故問，又話自己想了解發生咩事，點解律政司會申請媽媽破產，佢話覺得呢件事係一個好大嘅問題：「一個老人家過百，咁你政府係咩事去追索？係爭啲咩數呢？我都想知。」梅啟明又指因為媽媽電話畀人Lock咗，所以一直都聯絡唔到對方，所以呢日想睇下媽媽會唔會出現，又指知道媽媽有代表律師到場，自己都放心啲。
已被登報斷絕關係嘅梅啟明呢日亦到場「了解」

最終聆訊官將案件徹回，梅啟明就話好滿意呢個結局，仲話比中六合彩更開心，至於問到有咩說話想同媽咪講？梅啟明表示最重要媽咪身體健康、開開心心：「梗係希望長命百歲，都過咗一百啦，咁就活多十年八年啦。」