宋仲基晒西班牙文 稱自己未曾花錢買首飾

宋仲基上月宣布再做爸爸，呢日佢就春光滿面咁出席新戲記招，佢聯同李熙俊、權海驍等現身造勢。

宋仲基宣佈最為人父之後，現身宣傳新片
大會喺現場播出電影預告片，穿上菱格紋外套登場嘅宋仲基，被在場傳媒大讚少年感十足，對此佢就話平時自己唔會太執着呢點，但聽到大家咁讚佢佢都非常感謝，宋仲基又指大家睇到嘅預告片，其實係四年半前拍攝嘅，所以睇起嚟自然就會年輕啲。
宋仲基呢日又提到新片其實已經係4年前拍攝嘅作品

新戲去到哥倫比亞拍攝，為咗戲中角色宋仲基就學咗唔少西班牙文，喺記者會上佢仲大騷自己嘅語言天賦，教大家點用西班牙文講肚餓想食嘢等語句。
回憶當時於哥倫比亞取景，大家都似乎相當懷念

除咗晒語言外，宋仲基同李熙俊就透露喺拍攝當地做咁好多實地考察，仲話呢點大家可以透過戲中造型就睇得出，因為平日嘅佢甚少會戴首飾，平時都未試過花錢買首飾、頸鍊等，但戲中嘅佢就剛好相反喇。