蔡潔曝光台慶抽獎心急情況 一路狂奔攞新車喜上眉梢

近日 同大家睇過 蔡潔 領取佢今年台慶大抽獎所得嘅電動車情況，Jacky亦喺自己社交平台分享，台慶當晚知道自己有機會抽大獎，即刻急步跑去壹廠上台嘅幕後花絮。

台慶當日蔡潔扮靚靚現身，但一知有份抽獎就咩優雅都先擺低喇
著住靚靚晚裝同高踭鞋嘅Jacky，當時正身處其他錄影廠拍攝，不過當一知道自己被抽中有機會爭取電動車大獎時，就即刻心急如焚，急急腳邊跑邊叫工作人員幫手傳話，最終穿過人群順利上台，更一抽就抽中鎖匙，獲得全新電動車。
終於同新車見面嘅Jacky非常興奮

今年5月初香港遭遇瘋狂暴雨，其中將軍澳區當日就錄得400毫米雨量，而駕車返電視城途中遇上水浸嘅Jacky就不幸被雨水圍困，座駕入水報銷，佢更要由消防員協助離開車廂，事後非常沮喪。

5月時因為暴雨水浸，Jacky嘅座駕中招報銷