龍婷吳大強現身環保活動 中1生明年齊人開馬拉松式派對

中1生 吳大強 李佳 龍婷 林鉫徫 柳冕等呢日現身響應環保活動，大家都身體力行支持，而喺活動上眾中聲歌手都出心出力獻唱，又同觀眾互動影合照，相當熱鬧。

多位中聲成員參與呢日嘅環保活動
中1生向來感情都好好，除咗十強經常見面同一齊工作外，佢哋同其他戰友都好friend㗎，魏嘉信就透露佢哋下個月將會同全部中1生一齊搞個大型party歡聚， 而林鉫徫笑言呢個聚會將以馬拉松式嚟舉行，當中仲會有live band一齊jam下歌。

佢哋呢日仲指，1月全體中1生將會集合開盛大Party

講到大家嘅聖誕安排，柳冕就表示計劃同家人一齊去旅行，李佳就表示去上海探親前，會先飛一轉清邁玩吓，而大強就話多謝柳冕搞呢次環保活動仲邀請佢哋一班中一生出席。曾蜜詩透露佢哋另外三位中1生將會出演一個音樂話劇，大強聽到後即話演出時自己一定會去支持呀！

Bill哥哥應柳冕邀請參加活動